ЖАРКЕНТ МЕШІТІНДЕ РЕСТАВРАЦИЯ ЖҰМЫСТАРЫ БАСТАЛДЫ

“Қазқайтажаңарту” РМК Жаркент мешітіне ғылыми реставрация жасайды. Мамандар кешен аумағындағы жаңғырту  жұмыстарын жүргізуді пысықтап, барлық нысанды зерделеп, күрделі ақауды жөндеудің әдіс-тәсілдерін талдады.  Реставрация мешіттің архитектуралық құрылымын  және сәулеттік келбетін сақтай отырып жүргізіледі.



Жаңғырту жұмыстары ҚР Президенті Қасым-Жомарт Тоқаев Ұлттық құрылтайда айтқан Жаркент мешітінің мәдени-рухани маңызын арттырып,  тарихи ескерткішті ЮНЕСКО-ның Бүкіләлемдік мұралар тізіміне енгізу тапсырмасын іске асыруға бағытталады. 



 “Қазқайтажаңарту” РМК  реставрациямен қатар Жаркент мешітін ЮНЕСКО мұраларының тізіміне енгізу үшін барлық құжаттамаларды дайындауды жоспарлап отыр.